Il mio viaggio

Deo 'enzo
a ti chircare
cun passos d' 'entu,
ue curren e riene
undas de frina e birde
in sas olias.
Inoghe
non b'hat isbaglios
ne chertu
e s'inventan s'appentu
sos pizzinnos.
Tue mi 'olas in giru
cun colpos de ala
lèbios,
puzone nidu
de aria e de lughe.
E, cando t'ido,
ecco,
totu mi creschet intro
in dimandas de vida.
Si firmat e iscultat
su coro 'e su buscu;
e ses femina
e sero
de tebidos istios,
manzanu friscu
de tempos benidores.

Salvatore Corriga, Umbras